U Rwanda rwahagaritse abanyeshuri bajyaga kwiga muri Kongo

Guverinoma y’ u Rwanda igiye guhagarika abanyeshuri bambukaga umupaka buri gitondo bajya kwiga mu mashuri yo mu gihugu cy’ abaturanyi cya Repubulika ya Demukarasi ya Kongo mu rwego rwo kwirinda ko bazandurirayo Ebola bakayizana mu Rwanda.

Minisitiri w’ Ubuzima Dr Diane Gashumba kuri uyu wa Kabili tariki 6 Kanama 2019 yavuze ko abo banyeshuri bazandikwa mu mashuri yo mu Rwanda.

Minisitiri Gashumba ni umwe mu bari mu itsinda ry’ abayobozi b’ u Rwanda basuye ku wa Mbere umupaka uhuza u Rwanda na Kongo bakagira abaturage inama yo kwirinda kujya muri Kongo nta mpamvu ifatika.

Abanyeshuri b’ abanyarwanda biga muri Kaminuza n’ amashuri yisumbuye bari bariyandikishije ku bwinshi mu mashuri yo mu mujyi wa Goma kuko ho amafaranga y’ ishuri ari make ugereranyije no mu Rwanda nk’ uko BBC yabitangaje. Amagana yabo yambukaga umupaka buri gitondo.

Umujyi wa Goma uturanye n’ u Rwanda wagezemo Ebola mu kwezi gushize kwa 7 izanywe n’ umupasiteri wari yagiye gusengera abarwayi ba Ebola.

Kugeza ubu hari abaturage b’ I Rubavu bafite impungenge z’ imibereho yabo igihe bazaba batemerewe kwambuka ngo bage gushaka imibereho muri Kongo, barimo n’ abavuga ko aho kwicwa n’ inzara bakwicwa n’ ikindi cyose.

Gusa Minisitiri w’ Ubutegetsi bw’ Igihugu Prof. Shyaka Anastase agira ati “Nubwo I Goma hari amafaranga, ubuzima buruta amafaranga”.

kundwa online

Roicos is an entertainer, designer, MC, photographer, author and owner at Sky Studio

Next Post

Umuhanzi w’umunyarwanda yakoreye agashya i Dubai ahaterera ivi ahita atabwa muri yombi-AMAFOTO+VIDEO

Wed Aug 7 , 2019
Share on Facebook Tweet it Share on Google Pin it Email Gutera ivi’ usaba umukobwa mukundana ko yazakubera umugore, bimaze gufata indi ntera muri iyi minsi. Mu yandi magambo bigezweho rwose ndetse abasore batabikoze, hari ababafata nk’abadasirimutse. Mu gushaka gushimisha cyane umukunzi we, umuhanzi w’umunyarwanda yatereye ivi i Dubai ahita […]

Editor In Chief

Jean Roicos

Roicos is an entertainer, designer, MC, photographer, author and owner at Sky Studio